ကျုံပျော်ကလယ်သမားတစ်ဦးရဲ့ ရင်ဖွင့်သံ (ရုပ်သံ)

 

>>>ဆက်ဖတ်ရန်>>> >>

နိုင်ငံရေး အကျဉ်းသားမိသားစုများ အကျိုးဆောင်ကွန်ယက်အား ပေးပို့လာသော သတင်းများ..

မင်းမဲ့စရိုက်ဆန်စွာ ဥပဒေမဲ့ လူလူချင်း အနိုင်ကျင့်ဗိုလ်ကျခြင်း

ရန်ကုန်မြောက်ပိုင်းခရိုင် လှိုင်သာယာမြို့နယ် ကုလားကြီးစုကျေးရွာတွင် မိရိုးဖလာဓါးမဦးချ ဦးပိုင် အမည်ပေါက် လယ်ယာ စိုက်ပျိုးခြင်းလုပ်ငန်းကို နှစ်ပေါင်းများစွာလုပ်ကိုင်နေသော ဒေါ်ခင်မြင့် လယ်(၁၈)ဧကခန့်၊ ဒေါ်ခင်ရီ လယ်(၉)ဧကခန့်၊ ဒေါ်မြင့်လယ်(၁၂)ဧကခန့်၊ ဦးအောင်မြသောင်း လယ်(၇)ဧကခန့်ကို ၂၀၀၁ခုနှစ်တွင် ကြည့်မြင်တိုင်မြို့နေ ဦးစိန်မောင်မြင့်၊ ကုလားကြီးစုရွာသား ဦးသက်ဦး၊ အပါအ၀င် ဦးညွန့်အောင်၊ ဦးထွန်းကြည်၊ ဦးဝင်း၊ ဦးအုန်းဟန်၊ ဦးအောင်ချို အစရှိသောလူတစ်စုက ၎င်းလယ်သမားများ၏ လယ်မြေများကို အတင်းခြံခတ် သိမ်းပိုက်၍ ကြက်ခြံနှင့် နွားခြံများ ဆောက်လုပ်ကာ မွေးမြူးရေး လုပ်ငန်းများကို လုပ်ကိုင်နေပါသည်။ ထို့အပြင် အခြားသောရွာသူ၊ ရွာသားများထံမှ စုစုပေါင်းလယ်ဧက (၅၀၀) ခန့်မှာလည်း နည်းအမျိုးမျိုးဖြင့်လည်းသိမ်းဆည်းခံထားရပါသည်။ ၎င်းတို့လူစုသည် တောင်သူလယ်သမားများ၏ လယ်များကို သိမ်းပိုက်လုပ်ကိုင်နေသဖြင့် ၎င်းလယ်သမားတို့မှာ အလုပ်လက်မဲ့ဖြစ်ကာ မိသားစုတို့၏ စားဝတ်နေရေး၊ ကျန်းမာရေး၊ ပညာရေးတို့ ဆုံးရှုံးနစ်နာနေပါသည်။

၎င်းလယ်ယာမြေ သိမ်းယူခြင်းကို မကျေနပ်သော်လည်း ငွေကြေးဓနအင်းအားနှင့် အာဏာပိုင်တို့ကို ကြေက်ရွံနေသဖြင့် မပြောရဲမဆိုရဲ ရှိခဲ့သော်လည်း ၂၀၀၈ ဖွဲ့စည်းပုံအခြေခံဥပဒေနှင့် ၂၀၁၀ရွေးကောက်ပွဲဖြင့် ဖွဲ့စည်းထားသော အစိုးရလက်ထက်တွင် နိုင်ငံတော်သမ္မတ လယ်ယာ စိုက်ပျိုးရေးနှင့် ဆည်မြောင်းဝန်ကြီး (ပြည်ထောင်စုဝန်ကြီး)၊ ရန်ကုန်တိုင်းဒေသကြီး ၀န်ကြီးချုပ်တို့ကို (၁၅.၉.၂၀၁၁)နှင့် (၂၂.၉.၂၀၁၁)နေ့ရက်တွင် စာရေးပြီး တိုင်ကြားခဲ့သဖြင့် ရန်ကုန်မြို့တော် မြေစာရင်းဦးစီးဋ္ဌာန၊ ရန်ကုန်မြောက်ပိုင်းခရိုင် အင်းစိန်မြို့နယ် အထွေထွေအုပ်ချုပ်ရေး ဦးစီးဋ္ဌာန စုပေါင်းရုံးဝင်းတွင် (၂၉.၁၁.၂၀၁၁) နေ့ (စနေနေ့) နံနက်(၁၀း၀၀) နာရီအချိန်တွင် ဦးရဲဝင်းထွန်း (မြို့တော်မြေစာရင်း ဦးစီးဋ္ဌာနမှူး မြောက်ပိုင်းခရိုင်၊အင်းစိန်မြို့) က တောင်သူလယ်သမား တစ်ဦးဖြစ်သူ ဒေါ်ခင်မြင့်ကို စာဖြင့်ဆင့်ခေါ်ပြီး စစ်ဆေးခဲ့သော်လည်း ယနေ့အချိန်ထိ အတင်းအဓမ္မ သိမ်းပိုက်သူတို့က သိမ်းပိုက်ဆဲ သိမ်းဆဲဖြစ်ပြီး လယ်ယာမြေ အတင်းအဓမ္မ အသိမ်းခံရသူ လယ်သမားတို့မှာ နစ်နာဆဲဖြစ်သည်။

နိုင်ငံတော်သမ္မတ၏ ပြောကြားချက်ဖြစ်သော သန့်ရှင်းသောအစိုးရ၊ ကောင်းမွန်သောအုပ်ချုပ်ရေးစံနစ်၊ တရားဥပဒေ စိုးမိုးရေးတို့ကို အခြေခံပြည်သူလူထု၏ ဘ၀များ အကျိုးရှိခံစား နိုင်ရေးအထိ လက်တွေ့အကောင်အထည်ဖော်ရန်လိုအပ် သည်။

မှတ်ချက်။ ။နိုင်ငံရေး အကျဉ်းသားမိသားစုများ အကျိုးဆောင်ကွန်ယက်အား ပေးပို့လာသော သတင်းများ ဖြစ်ပါသည်။

နိုင်ငံရေးအကျဉ်းသား မိသားစုများ အကျိုးဆောင်ကွန်ယက်

တရုတ် ရွှေတူးဖော်ရေး လုပ်ငန်းခွင်တခု

ကျားပါးစပ်တောင် ရွှေတူးဖော်ရေးလုပ်ငန်းအား အာရှကမ္ဘာမြေ (တရုတ်)ကုမ္ပဏီက လက်ဝါးကြီးအုပ် ဗိုလ်ကျခြင်း..

ကျားပါးစပ်တောင် ရွှေတူးဖော်ရေးလုပ်ငန်းအား အာရှကမ္ဘာမြေ (တရုတ်)ကုမ္ပဏီက လက်ဝါးကြီးအုပ် ဗိုလ်ကျခြင်း ရှမ်းပြည်တောင်ပိုင်း ကလောမြို့နယ် ရွှေမင်းဘုန်းဒေသ ကျားပါးစပ်တောင် ရွှေတူးဖော်ရေး လုပ်ကွက်သည် ကလောမြို့နယ် ဒေသခံတိုင်းရင်းသားများဖြစ်သော ပလောင်း ဓနု စသည့် တိုင်းရင်းသားများနှင့် ရေဝေ ရေလဲ ဒေသဖြစ်သော မန္တလေးတိုင်းဒေသကြီး သာစည်မြို့နယ် လယ်ပြင် ၊ ရေပူ၊ လွန်းထိုးကျေးရွာမှ ဒေသခံကျေးရွာသူ ကျေးရွာသားများသည် နှစ်ပေါင်းများစွာ ၎င်းတို့မိသားစုများ ဘဝရပ်တည်ရေးအတွက် မိရိုးဖလာ အသက်မွေး ဝမ်းကျောင်းပြုသည့် လုပ်ငန်းဖြစ်ပါသည်။

ကျားပါးစပ်တောင်နှင့် အနီးဆုံးလယ်ပြင်ကျေးရွာသည် ၎င်းလုပ်ငန်းပေါ်တွင် မှီခိုအားထား ပြုလုပ်နေရပါသည်။ ထိုကျေးရွာ၌ စားဝတ်နေရေးအတွက် ထွန်ယက်ပြုလုပ်၍ ရသောလယ်ဧကမှာ (၄၆) ဧကခန့်သာရှိပါသည်။ ယခုအချိန်အခါ၌ အာရှကမ္ဘာမြေ (တရုတ်တို့ပိုင်ဆိုင်သော)က အကျယ်အဝန်းဧရိယာ (၇၆၀၀) ဧက နှစ်၂၀ ခန့်ထိလုပ်ခွင့်ရထားကြောင်း ၁ရက်လျှင် ၁ပိဿာ သွင်းရမည်ဖြစ်ကြောင်း တစ်နှစ်လျှင် ၂.၂၅ တန်သွင်းရန်စာချုပ် ချုပ်ဆိုပြီးကြောင်း သိရှိရသည်။ ထို့အပြင် ယန္တယားများဖြင့် မြေပြုန်း တူးမည်ဖြစ်၍ လက်ရှိတစ်ပိုင်တစ်နိုင် လုပ်ငန်းများအနေဖြင့် နေရာရွှေ့ပြောင်း ပေးရမည်ဖြစ်သည်။ ၎င်းဒေသကို ပြည်ထောင်စုအစိုးရ ၏သတ္တုတွင်း ဝန်ကြီးဌာနနှင့် ဖက်စပ်ပူးပေါင်းသည်ဟုဆိုကာ ၎င်းရွှေတူးဖော်ရေး လုပ်ငန်းကို သိမ်းယူပြီး ဒေသခံတိုင်းရင်းသား လုပ်ငန်းရှင်ငယ်များကို မောင်းထုတ်ခဲ့ပါသည်။ ၎င်းလုပ်ငန်းရှင်ငယ်များ မထွက်ခွာပါက ဖမ်းဆီးမည်ဟုကြေငြာထားပါသည်။ ဒေသခံ တိုင်းရင်းသား လုပ်ငန်းရှင်ငယ်များသည် နိုင်ငံတော်နှင့် ဖက်စပ်လုပ်ကိုင်သည်ဟုဆိုသော အထက်ဖော်ပြပါ ကုမ္ပဏီနှင့် ပဋိပက္ခ မဖြစ်လိုသဖြင့် ၎င်းတို့၏ ငွေကြေးများစွာကို အဆုံးရှုံးခံ၍ ထွက်ခွာကာ နိုင်ငံတော်အစိုးရ သို့တင်ပြရန်ပြင်ဆင်နေကြောင်း ဒေသခံတိုင်းရင်းသားလုပ်ငန်းရှင်ငယ်များထံမှ သိရှိရပါသည်။

၎င်းကုမ္ပဏီက သိမ်းယူခဲ့သဖြင့် လုပ်ကိုင်စားသောက်ရန် လယ်ယာမြေဧက နည်း ပါးသော ဒေသခံကျေးရွာသူ ကျေးရွာသားများ အနေဖြင့်မိသားစုစားဝတ်နေရေး အခက်ခဲ များဖြစ်နေပါသည်။ နိုင်ငံတော်အစိုးရ၏ လမ်းညွှန်ချက်ဖြစ်သော တိုင်းရင်းသားလုပ်ငန်းရှင် ငယ်/လတ် များထွက်ပေါ်လာရေး ဆိုသော လမ်းညွှန်ချက်များနှင့်လည်း ဆန့်ကျင်လျှက် ရှိနေပါသည်။ အာရှကမ္ဘာမြေဆိုသော ကုမ္ပဏီသည် နိုင်ငံခြားသား တရုတ်လူမျိုးများပိုင်သော ကုမ္ပဏီဖြစ်သဖြင့် တိုင်းရင်းသားဒေသခံ ကျေးရွာသူ ကျေးရွာသားများ အပေါ် လက်ဝါးကြီးအုပ်မှုကို နိုင်ငံတော် အစိုးရအနေဖြင့် စဉ်းစားစေလိုကြောင်း တင်ပြပေးလိုက်ရပါသည်။

 

သတင်းရင်းမြစ်း  ဒီမိုဝေယံ

 

>>>ဆက်ဖတ်ရန်>>> >>

(၂၈-၅-၂၀၁၂)နေ့မိုးသည်းထန်စွာ ရွာသွန်းနေတဲ့ကြားက မြောက်ဥက္ကလာပ ပြည်သူများရဲ့ ၂၄နာရီ လျှပ်စစ်မီးရရှိရေး ဆန္ဒဖော်ထုတ်ပွဲ..

  မိုးသည်းထန်စွာ ရွာသွန်းနေတဲ့ကြားထဲက မြောက်ဥက္ကလာပ လူထုရဲ့ ၂၄နာရီ မီးရရှိရေး ဆန္ဒထုတ်ဖော်ပွဲ..

၂၈ရက်နေ့ ည (၇)နာရီက မိုးများ သည်းထန်စွာ ရွာသွန်းနေသော်ငြားလည်း မြောက်ဥက္ကလာပ ပြည်သူလူထုမှ ဖယောင်းမီးများ မငြိမ်းအောင် ကိုင်ဆောင်ပြီး ရည်မှန်းချက်အတိုင်း ၂၄နာရီလျှပ်စစ်မီး ရရှိရေး ဆန္ဒထုတ်ဖော်ခဲ့ ကြပါသည်။

ဓာတ်ပုံ သားစိုးလေးအား ကျေးဇူးတင်ပါသည်..။

သတင်းရင်းမြစ်း  ဒီမိုဝေယံ

>>>ဆက်ဖတ်ရန်>>> >>

ရွှေသမင်ဘယ်ကထွက် မင်းကြီးတာကလား ရွှေလီရေအားလျှပ်စစ် စီမံကိန်းကလား..

ရွှေသမင်ဘယ်ကထွက် မင်းကြီးတာကလား ရွှေလီရေအားလျှပ်စစ် စီမံကိန်းကလား

ယခုလက်ရှိ ဖြစ်ပေါ်နေတဲ့ မြန်မာပြည်တဝှမ်း လျှပ်စစ်ဓာတ်အားတွေ ပြတ်တောက်နေမှုကို အစိုးရ သတင်းဋ္ဌာနတွေမှာ ရွှေလီရေအား လျှပ်စစ်စီမံကိန်းမှ တာဝါတိုင်များအား KIAမှ မိုင်းခွဲမှုကြောင့် လျှ...ပ်စစ်မီးမလုံလောက်မှုနဲ့ ကြုံတွေ့နေရသယောင် ရေးသားဖော်ပြနေပါတယ်...။

ဒီမိုဝေယံမှ လက်ခံရရှိထားပြီး အထက်ပါ ဖော်ပြမယ့် စာကတော့ ရွှေလီရေအားလျှပ်စစ် စီမံကိန်းမှ သက်ဆိုင်ရာ တာဝန်ရှိသူများသို့ ထိးချိုင့်မြို့နယ် တကောင်းတောင် နီကယ် စီမံကိန်းမှာ အဓိက ရင်းနှီးမြုပ်နှံနေတဲ့ တရုတ်CNICO ကုမ္ပဏီရဲ့ ပေးစာ ဘာသာပြန်ထဲက တစိတ်တပိုင်းကို အများသိရှိနိုင်အောင် ဖော်ပြလိုက်ပါတယ်..။ (အထက်ပါ စာနဲ့ အတူ ဓာတ်ပုံသတင်းများ ဆက်လက်ဖော်ပြပေးပါမယ်..)

အဆိုပါ တရုတ်CNICO ကုမ္ပဏီရဲ့ သက်ဆိုင်ရာသို့ ပေးစာထဲမှာ နယ်မြေတာဝန်ခံများနဲ့ လုံခြုံရေးများသို့ ဗျူဟာတောင်းခံထားတဲ့ စာဖြစ်ပြီး ရွှေလီ၊ တအူ၊ တကောင်း လျှပ်စစ်တာဝါတိုင်များအား စစ်ဆေးကြည့်ရှုမယ့် တာဝါတိုင် အမှတ်စဉ်တွေကို ဖော်ပြထားတာ တွေ့ရှိရမှာပါ...။ ဇန္နဝါရီလထဲက ကြိုတင်ပြင်ဆင် စစ်ဆေးမယ့် တရုတ်ဝန်ထမ်းတွေ အတွက် နယ်မြေ လုံခြုံရေးအတွက် ထိုစဉ်ကတည်းက ရယူထားပြီး ဖြစ်ပါတယ်..။ တာဝါတိုင်တွေ ပြင်ဆင်မယ့် တရုတ် ဝန်ထမ်း အရေအတွက်ကတော့ Passport ဖြင့်ဝင်သူ ၄၄ဦး Border Pass ဖြင့်ဝင်သူ ၇ဦးနဲ့ ကုမ္ပဏီ ထောက်ခံမှုဖြင့် ဝင်သူ ၄၄ဦး ပေါင်း (၉၅)ဦးရှိပါတယ်..။ (အဆိုပါ စာရင်းအား ဖော်ပြပေးပါမယ်..) ဒီလောက် နိုင်ငံခြားသား တရုတ်ဝန်ထမ်းတွေ လုံခြုံရေးအတွက် ဗျူဟာတခု တောင်းခံပြီး လုံခြုံရေး ရယူစဉ်မှာ တာဝါတိုင်တွေ မိုင်းခွဲခံရတယ် ဆိုတာ စဉ်းစားစရာပါ..။

အစိုးရက ထုတ်ပြန်ခဲ့တဲ့ ရွှေလီ - မန်စံမဟာ ဓာတ်အားလိုင်း တာဝါတိုင်အမှတ် (၇၃)၊ (၂၀၆)၊ (၂၀၇)နှင့် (၂၀၈)တို့ ဖျက်ဆီး ခံခဲ့ရတယ်လို့ ဆိုပါတယ်..။ ယခုစာမှာ အဆိုပါ တာဝါတိုင်များ စစ်ဆေးမယ့်အထဲမှာ ပါပြီးသားပါ...။ ယခင် ဖော်ပြခဲ့သလို အဆိုပါ တာဝါတိုင်တွေ ဖျက်ဆီးခံရလို့ မြန်မာပြည်တဝှမ်း လျှပ်စစ်မီးတွေ ပြတ်တောက်နေတယ်လို့ ဆိုတဲ့အချိန်မှာ ရွှေလီကပို့လွှတ်တဲ့ တကောင်းနီကယ် စီမံကိန်းမှာတော့ လင်းထိန်နေတဲ့ မေလ (၁၅)ရက်နေ့က မြင်ကွင်းကို အများသိရှိပြီး ဖြစ်ပါလိမ့်မယ်..။ KIA မိုင်းခွဲတာ ဖြစ်လည်း ဖြစ်နိုင်သလို ဖြစ်လည်း မဖြစ်နိုင်ပါ..။ မိုင်းခွဲခံရတယ် ဆိုလည်း မိုင်းအမျိုးအစား ပတ်ဝန်ကျင် ပျက်ဆီးမှု အသေးစိတ်ကို ဖော်ပြပေးသင့်ပါတယ်..။ (၂၄)နှစ်လုံးလုံး ရွှေသမင်ဘယ်က ထွက်ဆိုတာ ကျတော်တို့ ခံရပါများလို့ သိရှိပြီးသားပါ...။ ဒီစာပါ အကြောင်းအရာများအရ ဓာတ်အားပို့လွှတ်တဲ့ တာဝါတိုင်ကိစ္စကို ကျတော်တို့ မျက်စိဖွင့်ပြီး ယုံကြရမယ့် အနေအထားပါ...။

မုန့်လုံး စက္ကူကပ်သလို လုပ်ပြီး ရောင်ခြည်တော်နဲ့ ရောမလွှတ်ပါနဲ့..။ လျှပ်စစ်မီးပုံမှန်မရတာ ရွှေလီဓာတ်အားပေး စက်ရုံ ပြီးစီးတဲ့ ၂၀၀၉ခုနှစ် မတိုင်မှီ နှစ်ပေါင်း ၂၀ကျော်ကတည်းကပါ...။ ရွှေလီကထွက်တဲ့ ရေအားလျှပ်စစ်ကို တရုတ်နဲ့ ပြည်တွင်းကို ရောင်းချရငွေ ဒေါ်လာ ၂၅၅သန်းကျော် ရရှိခဲ့ပြီးပါပြီ။ ပြည်သူတွေ အကျိုးခံစားခွင့်ဆိုတာ ဘေးထား သိရှိခွင့် ရရှိခဲ့ပါရဲ့လား..။ မိုးမရွာလို့ လျှပ်စစ်မီးမရတာ၊ တာဝါတိုင် ချိုးခံရလို့ပါဆိုတဲ့ ကင်ဆာရောဂါကို ပရုတ်ဆီအဆင့်နဲ့ မကုပါနဲ့တော့.. နောင်လာမယ့် နှစ်တွေအတွက် ဘာများ ပြင်ဆင်ထားပါသလဲ..။ ဆီပေးမှ ဆန်ရမယ် ဆိုပြီး တနေ့ ၆နာရီလောက်တောင် မရတဲ့ လျှပ်စစ်မီးကို ဖယောင်းတိုင်ထွန်းပြီး ချွေတာဖို့ စော်ကားတဲ့ စကားတွေ ရပ်တန်းက ရပ်ကြပါတော့...။ ရာထူးယူပြီး တာဝန်မယူနိုင်ရင် လုပ်နိုင်တဲ့ပညာရှင်တွေကို လက်ဆင့်ကမ်းပြီး ထွက်ကြပါတော့လို့ တိုက်တွန်းရင်း ပြည်သူတွေ မသိဆိုပြီး အချဉ်မလုပ်ကြပါနဲ့ သိတဲ့သူတွေ ဖော်ထုတ်မယ့် သူတွေ ရှိနေကြောင်း အသိပေးလိုက်ရပါတယ်.. မင်းကြီးတာက ပုဂ္ဂိုလ်များ ခင်ဗျား..

 

သတင်းရင်းမြစ်း  ဒီမိုဝေယံ

 

 

>>>ဆက်ဖတ်ရန်>>> >>

တရုတ်ရွာတည်ဖို့ ကြိုးစားနေပြီလား??????

 
စစ်ကိုင်းတိုင်း အထက်ပိုင်းမှာ ဒုတိယမောင်းကုန်း (တရုတ်ရွာတည်ဖို့) လုပ်ဖို့
ကြိုးစားနေကြပြန်ပြီ.....

ပြီးခဲ့တဲ့နှစ်က အင်တာနက်တွေထဲမှာ ထီးချိုင့်မြို့နယ်မောင်းကုန်းကျေးရွာမှာ ပြည်ပက တယုတ်တွေ
ကြီးစိုးလာမှုအကြောင်းလေး ဖတ်မိလိုက်ပါတယ်၊ဒီဆောင်းပါးလေး
ဖတ်ရတဲ့(အမျိုးချစ်တဲ့သူတိုင်း)တက်တခေါက်ခေါက်နဲ့ ခံပြင်းကြတယ်၊ မကျေမနပ်ဖြစ်ကြရပါတယ်။

အဲဒီတရုတ်တွေ ဘယ်လိုရောက်လာတာပါလဲ၊ ကျွန်တော်တို့သိချင်တယ်၊ ဒါပေမယ့် ဘဲဥအစရှာမရသလို ပါပဲ၊ ဘယ်လိုလုပ်ပြီးအုံနဲ့ကျင်းနဲ့ရောက်လာတာလဲ မသိ၊ ဒါနဲ့ ဒေသခံတွေကိုစုံစမ်းကြည့်တော့
တရုတ်တွေ မရောက်လာခင်မှာ မန္တလေးက လုပ်ငန်းရှင်ကြီးတစ်ဦး ထီးချိုင့်မြို့နယ် မောင်းကုန်းရွာမှာ သကြားစက်စတည်တယ်၊ အဲဒီလုပ်ငန်းရှင်က စစ်ကိုင်းတိုင်းဒေသကြီးတိုင်းမှူး (ယခုစစ်ကိုင်းတိုင်းဒေသကြီးဝန်ကြီးချုပ်) ကို သူကအတော်ပိုင်ပါတယ်။

ပိုင်အောင်ကလည်း ရက်ရက်စက်စက် ပေးကမ်းထားတာကိုဗျ၊ သူ့ရဲ့ကုမ္မဏီမှာလည်း စစ်ကိုင်းတိုင်းဒေသကြီးဝန်ကြီးချုပ် ရဲ့သားကို ငွေထည့်စရာ မလိုပဲ ရှယ်ယာ ၀င် လုပ်ပေးထားလိုက်တယ်၊ နောက် စစ်ကိုင်းတိုင်းဒေသကြီး ၀န်ကြီးချုပ် သမီးကိုလည်း မန္တလေး ရတနာပုံဈေးအနားမှာရှိတဲ့ ၃ထပ် တိုက်တစ်လုံး အလကားပေးထားလိုက်သေးတယ်။

တိုက်နံပါတ်(C3)ပါ၊ ကပ်လျှက်(C2)ကတော့ အဲဒီအချိန် မန္တလေးမြို့တော်ဝန်လုပ်နေတဲ့ ဗိုလ်မှူးချုပ် ရန်သိမ်းကိုပေးထားတာပါ၊ သူအလကားပေးတဲ့ တိုက်တစ်လုံးရဲ့ တန်ဘိုးဟာ သိန်း ၃,၀၀၀ လောက် တန်ပါတယ်။

အဲဒီလောက်ပေးထားတော့ မန္တလေးက လုပ်ငန်းရှင်ကြီးကလည်း တန်အောင်
ဆိုပြီး စစ်ကိုင်းတိုင်းထဲမှာ ဒေသခံတွေအပေါ် နည်းအမျိုးမျိုးနဲ့ခေါင်းပုံဖြတ်တော့တာပါပဲ။

အဲဒီလိုခေါင်းပုံဖြတ်တာကို မခံနိုင်တဲ့ ဒေသခံတွေကတော့ တုတ်နဲ့ ဓါးနဲ့ဖြေရှင်းကြပါတယ်၊သူ့ရဲ့ လူယုံ ဗိုလ်မှူးတစ်ယောက်ကို မောင်းကုန်းရွာနားက ဒေသခံ တယောက်က ဓါးနဲ့ခုတ်ခဲ့သလို ကျောက်ထုံးကြီးကျေးရွာနားက ရွာသားတစ်ယောက်ကလည်း အဲဒီလုပ်ငန်းရှင်ကြီးရဲ့ ယောက်ဖကို ဓါးနဲ့ခုတ်ပြီး ထွက်ပြေးသွားခဲ့ပါတယ်။

အဲဒီလုပ်ငန်းရှင်ကြီးရဲ့ ယောက်ဖကို နိုင်ငံခြားပို့ပြီး ကုပေမယ့် အခုအချိန်အထိ လူစဉ်မမှီတော့ပါဘူး၊
ဒါတွေကို စစ်ကိုင်းတိုင်းက လူတွေအကုန်သိကြပေမယ့် မပြောဝံ့ကြပါဘူး။

လုပ်ငန်းရှင်ကြီးကိုကြောက်ကြတာကိုး၊ အဲဒီလုပ်ငန်းရှင်ကြီးလုပ်ငန်းရှင်ကြီးကလည်း
ဘယ်လောက်များ လက်စောင်းထက်သလဲ ဆိုရင် ထီးချိုင့်မြို့မှာနေတဲ့ စာပေဗိမာန်(၄)ဆု ရဖူးပြီး
ပြန်ဆက်က ခရိုင်ဦးစီးမှူးအနေနဲ့ ပစ်စင်ယူထားတဲ့ အသက်(၆၀)အရွယ် မောင်ချစ်ထွေး(မဟာဝိဇ္စာ)
ဆိုတဲ့ စာရေးဆရာကြီးကိုတောင် လိမ်လည်မှုနဲ့မနှစ်က ထီးချိုင့်မြို့နယ် တရားရုံးက ထောင်ချပစ်လိုက်ဖူးပါတယ်။

နောက်ဆုံး အယူခံတွေ အဆင့်ဆင့်တက်တော့ မှ (ကသာခရိုင်တရားရုံးကနေ ဦးချစ်ထွေးမှာ အပြစ်မရှိဘူးလို့ ဆုံးဖြတ်ပြီးတရားသေလွှတ်လိုက်ပါတယ်) ဆရာမောင်ချစ်ထွေး ကသာထောင်ကနေပြန်လွှတ်လာပါတယ်။

ဒါပေမယ့်ဆရာ မောင်ချစ်ထွေး(မဟာဝိဇာ) ထောင်ထဲမှာ (၃)လနေလိုက်ရပါတယ်၊အဲဒါ
မနှစ်ကမှ ဖြစ်ထားတာ၊ဒီလိုလူမျိုးကိုတောင် အပြစ်မရှိ အပြစ်ရှာပြီး
ထောင်ချနိုင်တဲ့ လူကြီးသူကြီးပိုင် လုပ်ငန်းရှင်ကြီးဆိုတော့ ကြောက်ကြရတာပေါ့၊ ထားပါတော့၊အရင်က ကိစ္စတွေကို၊ပြောချင်တာကအခုကိစ္စ၊ ကသာမြို့နယ်အပိုင်ကျောက်ထုံးကြီးကျေးရွာမှာ မြေယာပေါင်းများစွာကို
အပြောင်ရှင်းနေပြန်ပါတယ်။

စစ်ကိုင်းတိုင်းဒေသကြီးဝန်ကြီးချုပ်ကိုယ်တိုင်လာကြည့်ပြီး မြေနေရာပေးတာတဲ့၊ကျောက်ထုံးကြီးကျေးရွာမှာ အပိုင်မှာလည်း စက်ရုံထောင်မယ်တဲ့။

ကျောက်ထုံးကြီးကျေးရွာကိုလည်း မီးလင်းအောင် လုပ်ပေးမယ် ဆိုတဲ့ မြူဆွယ်ချက်တွေနဲ့ ဆိုတော့ ကျောက်ထုံးကြီးကျေးရွာက လူတွေကလည်း သူတို့ရွာကို
တရုတ်တွေ လွှမ်းမိုးတော့မယ် ဆိုတာ ဘာသိမှာတဲ့လဲပျော်နေကြတာပေါ့။

သူတို့ရွာလေး ဒုတိယမောင်းကုန်းဖြစ်တော့မယ်ဆိုတာ မသိကြရှာသေးဘူး၊ ဒီတော့ သူတို့ရွာကလေး
မြန်မာရနံ့နဲ့ ဝေးတော့မယ့် ကိစ္စကို သိတဲ့ ဧရာဝတီဝက်ဆိုက်ကပဲ ပညာတွေပေးပေးပါဦး၊ ကူညီပေးပါဦး။

နောက်ပြီး နိုင်ငံတော်သမ္မတဆီက တားပေးဆီးပေးဖို့ ကိုလည်း လူထုလိုလားနေကြပါတယ်.ခင်ဗျား...

သတင်းရင်းမြစ်း  ဧရာဝတီ

>>>ဆက်ဖတ်ရန်>>> >>

ကချင်ပြည်နယ်အတွင်း တင်းမာမှုတွေ ပိုဖြစ်နေ

ကချင်ပြည်နယ် ဖားကန့်ဒေသမှာ ကေအိုင်အေနဲ့ မြန်မာစစ်တပ်အကြား တိုက်ပွဲတွေ ဖြစ်ပွားနေတဲ့အတွက် ကျောက်စိမ်းတူးဖော်ရေး ကုမ္ပဏီတွေနဲ့ အလုပ်သမားတွေကို နမ္မတီးဘက်ကို ပြောင်းနေကြဖို့ အာဏာပိုင်တွေက ညွှန်ကြားထားတယ်လို့ ဒေသခံ တစ်ဦးက ပြောပါတယ်။

(Photo: Kachin News Group

ကချင်လွတ်မြောက်ရေး တပ်မတော် (KIA) ၏ လက်ရှိ ဌာနချုပ်တည်ရာ လိုင်ဇာမြို့ စစ်ရေးပြ အခမ်းအနားတခုတွင် လက်နက်ကိုင် ကချင်စစ်သည်များကို တွေ့ရသည့် မှတ်တမ်းပုံ ဖြစ်ပါသည်။ (Photo: Kachin News Group)

ဖားကန့်ဒေသမှာ စနေနေ့က တိုက်ပွဲတွေ ဖြစ်ပွားခဲ့ပြီးနောက်ပိုင်း တပ်စွဲထားတဲ့ ခလရ (၁၆) က စစ်သည် (၉၀) လောက်ကို ဒေသခံ ရှမ်းစုရွာသားတွေက နေ့စဉ် ထမင်းထုတ် ပို့နေရတယ်လို့ ဒေသခံတွေက ပြောပါတယ်။ ဒီကနေ့မှာတော့ တိုက်ပွဲဖြစ်ပွားမှု မရှိဘူးလို့ ဆိုပါတယ်။
ဒီအတောအတွင်း ကချင်ပြည်နယ်နဲ့ အိန္ဒိယနယ်စစ်အနီး ချီဗွေယံ-နမ့်ယွန်းဒေသမှာ လွန်ခဲ့တဲ့ (၆) ရက်လောက် ကစလို့ ဒေသခံ အာဏာပိုင်တွေက မော်တော်ကားတွေကို အဓမ္မ ချောဆွဲနေတဲ့အတွက် ကားပိုင်ရှင်တွေ အခက်အခဲ တွေ့နေတယ်လို့ သိရပါတယ်။
မောင်းလို့မရတော့တဲ့ စစ်တပ်သုံးကားတွေကို မြစ်ကြီးနားမြို့ကို ပို့ဆောင်ဖို့အတွက် နမ့်ယွန်းအခြေစိုက် ခမရ (၁၂၆) က ခေါ်ယူ ခိုင်းစေနေတာလို့ ကားပိုင်ရှင်တစ်ဦးက ပြောပါတယ်။
အလားတူ လားရှိုး မူဆယ် ကားလမ်းကို ဒီကနေ့ ပ်ိတ်မယ်ဆိုတဲ့ သတင်းတွေ ထွက်ပေါ်နေပေမဲ့ အတည်ပြုချက် မရရှိပါဘူး၊။ ဒီကားလမ်းတလျှောက် KIO တပ်မဟာ ၄ က ပစ်ခတ်မယ်ဆိုတဲ့ ခြိမ်းခြောက်မူတွေ ရှိတယ်လို့ ကုန်သည်တွေက ပြောပါတယ်။
ဒီကိစ္စနဲ့ပတ်သက်ပြီး တပ်မဟာ ၄ က အရာရှိတစ်ဦးကို မေးကြည့်ရာမှာ အစိုးရ စစ်သားတွေဟာ အရပ်သားကားတွေ သုံးနေတာကြောင့် ဖြစ်တယ်လို့ ပြောပါတယ်။

“ စစ်သားတွေက အရပ်ဝတ်စုံတွေနဲ့ အရပ်ကား ဒိုင်နာတို့၊ ကုန်တင်ကားတို့မှာ စီးသလိုလို ဘာလိုနဲ့ ရုတ်တရက် လမ်းမှာ သူတို့ကြိုက်တဲ့နေရာမှာ ဆင်းပြီး ကြိုက်တဲ့နေရာကနေဝင်ပြီး ကျွန်တော်တို့ကို ဝင်ဝင်တိုက်တာကိုး။ ဒီလိုအကြောင်းကြောင့် ကျွန်တော်တို့တပ်မတော် ရင်း ၉ တွေ၊ ရင်း ၂ တွေအတိုက်ခံနေရတယ်”

ဒီကိစ္စနဲ့ ပတ်သက်ပြီး အာဏာပိုင်တွေဘက်ကို တရားဝင် မေးမြန်းခွင့်မရသလို KIO ဘက်ကိုလည်း တရားဝင် မေးမြန်းခွင့် မရရှိသေးပါဘူး။

သတင်းရင်းမြစ်း  RFA

>>>ဆက်ဖတ်ရန်>>> >>