မြန်မာ့ပြုပြင်ပြောင်းလဲမှု သင်ခန်းစာယူဖို့ မြောက်ကိုရီးယားကို သမ္မတ လီမြောင်ဘတ် တိုက်တွန်း

မြောက်ကိုရီးယား အနေနဲ့ မြန်မာနိုင်ငံက နိုင်ငံရေး ဖြစ်ပေါ်တိုးတက်မှုတွေကို သင်ခန်းစာယူပြီး တိုင်းပြည်ကို အမှောင်ချထားရာကနေ ရုန်းထွက်ဖို့ တောင်ကိုရီးယားသမ္မတ Lee Myung-Bak က တိုက်တွန်း ပြောကြားလိုက်ပါတယ်။

Hmuu Zaw, Myanmar President’s Office

၂၀၁၂ ခုနှစ် မေလ ၁၄ ရက်က တောင်ကိုရီးယား သမ္မတ Lee Myung-bak နှင့် သမ္မတ ဦးသိန်းစိန်တို့ နေပြည်တော်တွင် တွေ့ဆုံစဉ်။

ဒီကနေ့ ကျရောက်တဲ့ တောင်-မြောက်ကိုရီးယား နှစ်နိုင်ငံ စစ်ပွဲကာလအတွင်း သေဆုံးသွားကြသူ စစ်သည်တွေအတွက် အောက်မေ့ဘွယ်အခမ်းအနားမှာ သမ္မတ လီမြောင်ဘတ်က အဲဒီလို မြန်မာနိုင်ငံက အတွေ့အကြုံကို သင်ခန်းစာယူဖို့ မြောက်ကိုရီးယားကို တိုက်တွန်းလိုက်တာပါ။
မြန်မာနိုင်ငံက ပြုပြင်ပြောင်းလဲမှုတွေဟာ "ရှောင်လွှဲလို့မရတဲ့ လမ်းကြောင်းအတိုင်း" သွားနေတာ ဖြစ်တယ်လို့လည်း သမ္မတ လီမြောင်ဘတ်က ပြောပါတယ်။
မြန်မာနိုင်ငံဟာ အတိတ်မှာတုန်းက မြောက်ကိုရီးယားလိုပဲ နိုင်ငံတကာနဲ့ အဆက်အသွယ် ဖြတ်တောက်ထားတာရယ်၊ ဆိုရှယ်လစ်စနစ် စီးပွားရေး စနစ်ကျင့်သုံးခဲ့တာရယ်ကြောင့် လူတစ်ဦးချင်းစီရဲ့ ပျမ်းမျှဝင်ငွေဟာ အမေရိကန် ဒေါ်လာ ၇၀၀ လောက်သာ ရှိခဲ့ကြောင်း ထည့်သွင်းပြောခဲ့ပါတယ်။
အခုအခါမှာ တစ်ကမ္ဘာလုံးကို ရိုက်ခတ်လာတဲ့ လွတ်လပ်မှုအခွင့်အရေးနဲ့ ပြုပြင်ပြောင်းလဲမှု ရေစီးကြောင်းဟာ မြန်မာနိုင်ငံကိုလည်း ရောက်ရှိနေပြီဖြစ်ပြီး အဲဒီ ရေစီးကြောင်းကို ဘယ်လိုအင်အားမျိုးကမှ တားဆီးနိုင်မှာ မဟုတ်ဘူးလို့ သမ္မတ လီမြောင်ဘတ်က ပြောပါတယ်။
မိမိအနေနဲ့ ပြီးခဲ့တဲ့လ မြန်မာနိုင်ငံ ခရီးစဉ်အတွင်း သမ္မတကြီး ဦးသိန်းစိန်နဲ့ တွေ့ဆုံစဉ်မှာ မြောက်ကိုရီးယားအရေးနဲ့ ပတ်သက်ပြီး အကူအညီတောင်းခံခဲ့ကြောင်း၊ အဲဒီ တောင်းဆိုချက်ကတော့ မြောက်ကိုရီးယား ခေါင်းဆောင်တွေ အနေနဲ့ သမိုင်းစာမျက်နှာသစ် ဖွင့်လှစ်ဖို့ တိုက်တွန်း ပေးစေလိုကြောင်း သမ္မတ ဦးသိန်းစိန်ကို ပြောခဲ့တယ်လို့ သမ္မတ လီမြောင်ဘတ်က ပြောကြားသွားပါတယ်။

သတင်းရင်းမြစ်း  RFA

>>>ဆက်ဖတ်ရန်>>> >>

စစ်တွေတွင် ဘာသာပေါင်းစုံ ပါဝင်သော ငြိမ်းချမ်းရေးနှင့် တည်ငြိမ်ရေး အဖွဲ့ ဖွဲ့

ရခိုင်ပြည်နယ် အစိုးရအဖွဲ့မှ စစ်တွေတွင် မလိုလာားအပ်သော ပြဿနာများ မပေါ်ပေါက်ရအောင် ငြိမ်းချမ်းရေးနှင့် တည်ငြိမ်ရေး အဖွဲ့ကို ဘာသာပေါင်းစုံမှ ခေါင်းဆောင်များဖြင့် ဖွဲ့စည်းလိုက်ကြောင်း ရခိုင်ပြည်နယ် အစိုးရ အဖွဲ့ဝင် ၀န်ကြီး တစ်ဦးက ပြောကြားသည်။

အင်္ဂလိပ် ဘုရင်မှ လက်ဆောင်ပေးခဲ့သော စစ်တွေမှ သမိုင်းဝင် နာရီစင်။

ရခိုင်ပြည်နယ် သစ်တောနှင့် သတ္တုတွင်း ၀န်ကြီး ဦးအောင်သန်းတင်က အဆိုပါ အဖွဲ့ကို ရခိုင်ပြည်နယ် အစိုးရ အဖွဲ့၏ ဦးဆောင်မူဖြင့် ယမန်နေ့က ဖွဲ့စည်းခဲ့ကြောင်း၊ အဖွဲ့တွင်  ဘာပေါင်းစုံ၊ လူမျိုးပေါင်းစုံ ပါဝင်ကြောင်း ပြောသည်။
“ အစိုးရ အဖွဲ့ဝင် ၀န်ကြီးတွေ ပါတယ်။ စစ်တွေက ရပ်မိရပ်ဖတွေ ပါတယ်။ အစ္စလာမ်ဘာသာဝင် ရပ်မိ ရပ်ဖတွေ ပါတယ်။ အကုန်လုံးက ငြိမ်းငြိမ်းချမ်းချမ်းနေချင်တယ်။ ရခိုင်တိုင်းရင်းသားတွေကလည်း ငြိမ်းငြိမ်းချမ်းချမ်းနေချင်တယ်။ အစ္စလာမ် ဘာသာဝင်တွေကလည်း ငြိမ်းငြိမ်းချမ်းချမ်း နေချင်ကြတယ်။ ဒါကြောင့် ငြိမ်းချမ်းရေး အတွက် ဒီအဖွဲ့ကို ဖွဲ့စည်းရတာ ဖြစ်ပါတယ်”ဟု ပြောသည်။
အဖွဲ့အား အဖွဲ့ (၁) မှ နေ (၃) ထိ ဖွဲ့စည်းထားပြီး အစိုးရဌာနဆိုင်ရာ ၀န်ထမ်းများနှင့်ပါ ဆိုလျှင် လူပေါင်း ၄၀ ခန့် ပါဝင်ကြောင်း သူက ပြောကြားသည်။
“ အဓိကတော့ လူမျိုးရေး၊ ဘာသာရေး အဓိဂရုဏ်းတွေ မပေါ်ပေါက်အောင် ကြိုးပမ်း တားဆီးမယ်ဆိုတဲ့ ရည်ရွယ်ချက်နဲ့ ဖွဲ့တာပါဘဲ။ အခု စစ်တွေမှာ ကောလဟလတွေ သိပ်ပျံ့နေတယ်။ ဒါတွေဟာ မှားသလား မှန်သလားဆိုတာကို ဒီအဖွဲ့က သေချာ စိစစ်ပြီး ရခိုင်များဘက်ကိုရော အစ္စလာမ် ဘာသာဝင်များဘက်ကိုရော သက်ဆိုင်ရာ ခေါင်းဆောင်တွေက ရှင်းပြသွားမယ်” ဟု ဦးအောင်သန်းတင်က ပြောသည်။
ကောလဟလ သတင်းများကြောင့် ဗုဒ္ဓဘာသာဝင်များနှင့် အစ္စလာမ်ဘာသာဝင်များအကြား တစ်ဦးနှင့် တစ်ဦး  မယုံကြည်မူများနှင့် ပြဿနာများ ပေါ်ပေါက်လာနိုင်သဖြင့် ကောလဟလများကို မယုံကြည်ကြရန်လည်း သူက တိုက်တွန်းသွားသည်။
အဆိုပါ အဖွဲ့သည် ယမန်နေ့က စပြီး စစ်တွေ ငြိမ်းချမ်းရေးနှင့် တည်ငြိမ်ရေးကို ဆောင်ရွက်နေပြီ ဖြစ်ကြောင်း သိရသည်။ ထိုကဲ့သို့  ဆရာတော်ကြီးများနှင့် အစ္စလာမ် ဘာသာရေး ခေါင်းဆောင်များ၏ ထိန်းသိမ်း မူများကြောင့် စစ်တွေမြို့၏ အခြေအနေမှာ အေးအေးဆေးဆေးနှင့် ပုံမှန် အခြေအနေအတိုင်း ရှိနေကြောင်း သိရသည်။

သတင်းရင်းမြစ်း  နေရဉ္ဇရာ

>>>ဆက်ဖတ်ရန်>>> >>

လိုင်စင်သိမ်းခံ ရှေ့နေများ ရပိုင်ခွင့် တောင်းဆို

ရန်ကုန် (မဇ္ဈိမ) ။       ။ နိုင်ငံရေးကြောင့် လိုင်စင်သိမ်းခံရသော ရှေ့နေများအနေနှင့် မြန်မာ့နိုင်ငံရေး အပြောင်းအလဲ တွင် ရှေ့နေလိုက်ခွင့် ပြန်လည် ရရှိသင့်ကြပြီဖြစ်ကြောင်း ကာယကံရှင်ရှေ့နေများက အင်္ဂါနေ့က ပြောဆိုလိုက်သည်။

“ရှေ့နေဆိုတာ ပြည်သူ့ဘက်က ရပ်တည်ရတာပါ။ စစ်အုပ်ချုပ်ရေး မတရား ဖိနှိပ်မှုတွေအတွက် ကျနော်တို့က အမှန်တရားဘက်က ရပ်တည်တယ်။ ဒီမိုကရေစီကို တောင်းတဲ့လူ ဘက်က ရှေ့နေ လိုက်ပေးတာနဲ့ အဖမ်းခံရတယ်။ လိုင်စင် အသိမ်းခံခဲ့ရတယ်။ အခုချိန်ဟာ ဒီမိုကရေစီနိုင်ငံ ထူထောင်ဖို့ လုပ်နေပြီ ဆိုတော့ ဒီလူတွေကို လိုင်စင်ပြန်ပေးသင့်ပါတယ်” ဟု လိုင်စင် အသိမ်းခံရသည့် ရှေ့နေကြီး ဦးညွန့်ရှိန် က ပြောသည်။

ရှေ့နေကွန်ယက်အဖွဲ့ဝင်များ ရခိုင်ပြည်နယ်၊ စစ်တွေမြို့သို့ ရောက်ရှိနေစဉ် ယခုကဲ့သို့ ပြောဆို လိုက်ခြင်းဖြစ်သည်။

“အဖြုတ်ခံရတဲ့ ရှေ့နေတွေက သတ်မှတ်ပြဋ္ဌာန်းထားတဲ့ဥပဒေနဲ့အညီ စစ်ဆေးလို့ ပိတ်သိမ်းခံရတာ မဟုတ်ဘူး။ရှေ့နေများ လိုက်နာရမယ့် အက်ဥပဒေ ပုဒ်မ(၄ဝ) မှာ ပြဋ္ဌာန်းထားတဲ့ ရှေ့နေတဦးက ရှင်းလင်းတင်ပြခွင့်၊ ပြန်လည်ချေပခွင့် ရှိတယ်။ ခုံအဖွဲ့ ဖွဲ့ပြီး စုံစမ်းခြင်း၊ စစ်ဆေးခြင်း မရှိဘဲ အလုပ်မှ ရပ်ခြင်း မလုပ်ရဘူးဆိုတဲ့ဥပဒေ ရှိတယ်။ ဒါပေမယ့် ၁၉၈၈ ခုနှစ် ကတည်းက အဲဒီဥပဒေကို မျက်ကွယ် အရေးယူတယ်။ ဒါက နိုင်ငံတော် တရားရုံးကိုယ်တိုင်က စပြီး လက်ခံခြင်း မရှိဘူးလို့ ပြောချင်ပါတယ်” ဟု ရှေ့နေ ဦးသိန်းသန်းဦး က မဇ္ဈိမကို ပြောသည်။

ရခိုင်ပြည်နယ်တွင်း ပဋိပက္ခများ ထပ်မံမဖြစ်ပွားစေရန် ကုညီဆောင်ရွက်ပေးဖို့အတွက် ရခိုင်ပြည်နယ် အစိုးရ အဖွဲ့ဝင်များ၊ လွှတ်တော်ကိုယ်စားလှယ်များအား ရှေ့နေများက သွားရောက်တွေ့ဆုံ ဆွေးနွေး ခဲ့ကြခြင်း ဖြစ်သည်။

နိုင်ငံရေးအမှုလိုက်၍ ရှေ့နေလိုင်စင် ရုတ်သိမ်းခြင်းခံရေသော ရှေ့နေများအနက် တရားရုံးချုပ်ရှေ့နေ ၂၅ ယောက်နှင့် အထက်တန်းရှေ့နေ ၇ ယောက်တို့ ပါဝင်ပြီး စာရင်းသွင်းခြင်းမရှိသေး သည့်သူများ လည်းရှိကြောင်း အာရှ ဥပဒေရေးရာ ရင်းမြစ်အဖွဲ့ ALRC က ပြောသည်။

“ဒီ ၃၂ ယောက်အပြင် ဒီလို နိုင်ငံရေးအကြောင်းကြောင့် လိုင်စင်အရုတ်သိမ်းခံရတဲ့ ရှေ့နေတွေ အများကြီး ရှိနေမယ် လို့လည်း ယုံကြည်ပါတယ်။ အတော်များများဟာလည်း အကျဉ်းထောင်တွေထဲမှာ အကျခံခဲ့ရဖူးပါတယ်” ဟု ALRC ညွှန်ကြားရေးမှူး Wong Kai Shing က ပြောသည်။

ထို့ကြောင့် မြန်မာနိုင်ငံ တရားသူကြီးဥက္ကဋ္ဌ ဦးထွန်းထွန်းဦးထံသို့ ပေးပို့သည့် အိတ်ဖွင့်ပေးစာ တစောင်တွင် “ရှေ့နေ များ၏ အသက်မွေးဝမ်းကြောင်း လုပ်ငန်းများ ပြန်လည် လုပ်ကိုင်နိုင်ရန်နှင့် အခုလို အရေးကြီးတဲ့အချိန်ကာလမျိုးမှာ တိုင်းပြည် ဖွံ့ဖြိုး တိုးတက်ရေးအတွက် သူတို့အနေနဲ့ ပါဝင်စွမ်းဆောင် ခွင့်ပြရန်” ALRC က တောင်းဆိုထားသည်။

နိုင်ငံရေးအကျဉ်းသားဟောင်းတဦးလည်းဖြစ်၊ ၁၉၉ဝ လွှတ်တော် ကိုယ်စားလှယ် တဦးလည်းဖြစ်သည့် တရားရုံးချုပ်ရှေ့နေကြီး ဦးစောလှိုင် ကလည်း ရှေ့နေလိုင်စင် ရုတ်သိမ်းခံရခြင်းနှင့်ပတ်သက်၍ နစ်နာဆုံးရှုံးရမှုကို မဇ္ဈိမအားပြောပြသည်။

“ကျနော်တို့ ဒီခေတ်ကြီးတလျှောက်လုံးမှာ နိုင်ငံရေးလုပ်လို့ ကျောင်းသားဘဝမှာ ကျောင်းထုတ်ခံခဲ့ရတယ်၊ ကျူရှင်ပြ စားတော့ ကျုရှင်ပြခွင့် အပိတ်ခံရတယ်၊ လွှတ်တော်ကိုယ်စားလှယ်ဖြစ်တော့ အာဏာ လွှဲပြောင်းမပေးဘူး၊ ရှေ့နေ လုပ်တော့ ရှေ့နေလိုင်စင် အသိမ်းခံရတယ်။ အင်မတန် နစ်နာပါတယ်” ဟု ပြောဆိုခဲ့သည်။

နိုင်ငံရေးအကျဉ်းသားများကို အများဆုံး အပြစ်ချသည့် ဥပဒေတခုဖြစ်သော ၁၉၅ဝ ခုနှစ် အရေးပ်ါစီမံချက် အက်ဥပဒေအား ပြန်လည် ဖျက်သိမ်းပေးစေလိုကြောင်း၊ ၎င်းဥပဒေ ဖျက်သိမ်းမှသာ အနာဂတ် တွင် နိုင်ငံရေး အကျဉ်းသား ရှိတော့မှာ မဟုတ်ကြောင်း ရှေ့နေများက ပြောသည်။

“ဒီဥပဒေက တကယ်ဆိုရင် နိုင်ငံကို သိက္ခာချတဲ့ ဥပဒေပါ။ ခုလက်ရှိ နိုင်ငံ တည်ငြိမ်နေတယ်။ ဒါကို မတည်ငြိမ်လို့ ဒီဥပဒေ ဆက်ရှိနေတယ်လို့ အဓိပ္ပာယ် သက်ရောက်နေတာပေါ့။ ဒီဥပဒေဟာ စစ်အစိုးရ လက်ထက် နိုင်ငံရေး အကျဉ်းသားအဖြစ် ဖမ်းဆီးထောင်ချရာမှာ အရေးပါတဲ့ ဥပဒေတခုဖြစ်တယ်။ ဒီဥပဒေကို ကျင့်သုံးတာ နှစ် ၆ဝ ရှိပါပြီ။ မူရင်းဥပဒေက ပြစ်ဒဏ် ခုနှစ်နှစ်ပဲ ချတာပါ။ တိုးတက်လာ တာနဲ့အမျှ ၁၉၈၈ ကစပြီး နှစ် ၂ဝ တသက်ထိ တိုးမြှင့်ထား တဲ့ ဥပဒေ ဖြစ်ပါတယ်” ဟု လိုင်စင် ရုတ်သိမ်းခံရသူ တရားရုံးချုပ်ရှေ့နေကြီး ဦးသိန်းသန်းဦး က ပြောသည်။

 

သတင်းရင်းမြစ်း  မဇ္ဈိမ

 

 

 

>>>ဆက်ဖတ်ရန်>>> >>

တိုက်ပွဲရပ်စဲရေး သမ္မတထံ လိပ်မူ၍ ကချင်ကျောင်းသားများတောင်းဆို

မေ ၅ ရက်။ ကျောင်းသားများ ဗန်ကောက် မြန်မာသံရုံးရှေ့တွင် ဆန္ဒပြနေပုံ။


ကချင်ပြည်နယ်တွင်တိုက်ပွဲများဆက်လက်ဖြစ်ပွားနေခြင်းသည် လူမှုဘေးဒုက္ခကို ဖြစ်ပေါ်စေသောကြောင့် ချက်ချင်းရပ်တန့်ပေးရန် နိုင်ငံတော်သမ္မတထံ လိပ်မူ၍ ကချင်ကျောင်းသားနှင့် လူငယ်သမဂ္ဂ (AKSYU) မှ စာပေးပို့တောင်းဆိုလိုက်သည်။

အသစ်ပြောင်းဖွဲ့စည်းထားသော မြန်မာအစိုးရသည် ကချင်လွတ်မြောက်ရေးအဖွဲ့ (KIO) အား ဆက်လက်၍ ထိုးစစ်ဆင်တိုက်ခိုက်နေသည်မှာ ဇွန်လ ၉ရက်နေ့တွင် တနှစ်ပြည့်ပြီဖြစ်သောကြောင့် အစိုးတပ်များ တိုက်ခိုက်ခြင်းများရပ်၍ စစ်မှန်သောဆွေးနွေးမှုများပြုလုပ်ရန် ဆန္ဒပြတောင်းဆိုခြင်းဖြစ်ကြောင်း ထိုင်း အခြေစိုက် ကချင်ကျောင်းသားနှင့်လူငယ်သမဂ္ဂ (AKSYU) အထွေထွေအတွင်းရေးမှူး ကိုနော်ဆန့် ပြောသည်။

“သမ္မတ ဦးသိန်းစိန်ကို လိပ်မူတဲ့ စာကို သူတို့ သံရုံးရှေ့မှာ ဖတ်ပြတယ်။ ဖတ်ပြီးတော့ သံရုံးတာဝန်ခံကို အဲဒီစာပေးတယ်။ သံရုံးတာဝန်ခံက လက်ခံထားတယ်။”  ၄င်းက ကချင်သတင်းဌာနသို့ ပြောသည်။

နိုင်ငံတော်သမ္မတထံ လိပ်မူသည့် ၄င်းစာသည် အဓိကအားဖြင့် ကချင်ပြည်နယ်တွင်း စစ်ပွဲများရပ်စဲရေးနှင့် လူမှုဘေးဒုက္ခများရပ်စဲသွားရန်အတွက် အဖွဲ့အစည်းပေါင်း ၇၁ ဖွဲ့က ပူးပေါင်းတောင်းဆိုခဲ့ခြင်း လည်းဖြစ်သည်ဟု ဆိုသည်။မေ ၅ ရက် အဂါင်္နေ့ နံနက်တွင်လည်း ထိုင်းနိုင်ငံ ဘန်ကော က်မြို့ရှိ မြန်မာသံရုံး ရှေ့တွင် ကချင်ကျောင်းသားများမှ ဦးဆောင်၍ လူအင်အား ၄၀ ဦး ခန့်နှင့် ဆန္ဒပြတောင်းဆိုခဲ့ကြသေးသည်။

နိုင်ငံတကာတွင်ရောက် အဖွဲ့အစည်းများနှင့် တက်ကြွလှုပ်ရှားသူများလည်း အပစ်ရပ်ရေးနှင့်ပတ်သက်၍ ဇွန် ၇ ရက်မှ ၁၄ ရက်ကြားတွင် ငြိမ်းချမ်းရေး လှုပ်ရှားမှုများကို အသီးသီး လုပ်ဆောင်သွားမည်ဖြစ်ကြောင်း သိရသည်။၂ဝ၁၂ ခုနှစ် ဇွန်လ ၉ ရက်နေ့တွင်လည်း မြန်မာအစိုးရနှင့် ကချင်လွတ်မြောက်ရေးတပ်ဖွဲ့ (KIO) ကြား တိုက်ပွဲ ဖြစ်ပွားခဲ့သော တနှစ်ပြည့် အထိမ်းအမှတ်အစီစဉ်များကို ကမ္ဘာတဝှမ်း တွင် ပြုလုပ် သွားမည် ဖြစ်ကြောင်း ဆက်လက်သိရှိရသည်။

သတင်းရင်းမြစ်း  Kachin News.com

>>>ဆက်ဖတ်ရန်>>> >>