နေ့စဉ်မိုးလေ၀သသတင်း (2-7-2012)

 

(၂၀၁၂ခုနှစ်၊ ဇူလိုင်လ(၂)ရက်နေ့ နံနက်(၇း၀၀)နာရီအချိန်ထုတ်ပြန်ချက်)

ဘင်္ဂလားပင်လယ်အော်အခြေအနေ။ကပ္ပလီပင်လယ်ပြင်နှင့်ဘင်္ဂလားပင်လယ်အော်တို့်တွင်မုတ်သုံလေအားကောင်း
နေပါသည်။

ယနေ.ညနေအထိခန့် မှန်းချက်။      စစ်ကိုင်းတိုင်းဒေသကြီးအောက်ပိုင်း၊မန္တလေးတိုင်းဒေသကြီး၊ မကွေး တိုင်းဒေသ ကြီးနှင့် ကယားပြည်နယ်တို့တွင်နေရာကွက်ကျား၊ပဲခူးတိုင်းဒေသကြီးနှင့်ရှမ်းပြည်နယ်တို့တွင်နေ ရာ ကျဲကျဲ၊စစ်ကိုင်းတိုင်းဒေသကြီးအထက်ပိုင်း၊ရန်ကုန်တိုင်းဒေသကြီး၊ဧရာဝတီတိုင်းဒေသကြီး၊ကချင်ပြည် နယ်နှင့်ချင်းပြည်နယ်တို့ တွင်နေရာစိပ်စိပ်နှင့်ကျန်တိုင်းဒေသကြီးနှင့်ပြည်နယ်တို့ တွင်နေရာအနှံ့  အပြား မိုးထစ် ချုန်းရွာပြီး၊ဧရာဝတီတိုင်းဒေသကြီး၊တနင်္သာရီတိုင်းဒေသကြီး၊ရခိုင်ပြည်နယ်၊ကရင်ပြည်နယ် နှင့် မွန် ပြည်  နယ် တို့တွင်နေရာကွက်၍မိုးကြီးနိုင်ပါသည်။ရွာရန်ရာနှုန်းပြည့်ဖြစ်ပါသည်။

မြန်မာ့ပင်လယ်ပြင် ။  ။မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင်ရံဖန်ရံခါ မိုး သက်လေပြင်း များကျရောက်ပြီး၊လှိုင်းကြီးမည်။မိုးသက်လေပြင်းကျစဉ်ရေပြင်/မြေပြင်လေသည် တစ်နာရီ လျှင်မိုင်(၄၀)အထိတိုက်ခတ်နိုင်ပါသည်။

နောက်နှစ်ရက်အတွက်ခန့် မှန်းချက်။        မြန်မာနိုင်ငံတောင်ပိုင်းဒေသများတွင် မိုးဆက်လက်ပိုနေမည်။
နေပြည်တော်နှင့်အနီးတစ်ဝှိုက်အတွက်ယနေ့ ညနေအထိခန့် မှန်းချက်။နေရာကွက်ကျားမိုးထစ်ချုန်းရွာမည်။
ရွာရန်ရာနှုန်း(၈၀)ဖြစ်ပါသည်။

ရန်ကုန်မြို့ နှင့်အနီးတစ်ဝှိုက်အတွက်ယနေ့ ညနေအထိခန့် မှန်းချက်။မိုးတစ်ကြိမ်၊နှစ်ကြိမ်ထစ်ချုန်းရွာမည်။
ရွာရန်ရာနှုန်း(၈၀)ဖြစ်ပါသည်။

မန္တလေးမြို့ နှင့်အနီးတစ်ဝှိုက်အတွက်ယနေ့ ညနေအထိခန့် မှန်းချက်။နေရာကွက်ကျားမိုးထစ်ချုန်းရွာမည်။
ရွာရန်ရာနှုန်း(၈၀)ဖြစ်ပါသည်။

( "မိုးလေဝသနှင့်ဇလ‌ဗေဒ ညွှန်ကြားမှုဦးစီးဌာန" )

>>>ဆက်ဖတ်ရန်>>> >>

ဆူးလေရှိ အဆောက်အဦး အမြန်ဆောက်လုပ်ခွင့်ပြုရေးနှင့်ပတ်သက်၍ မြို့တော်စည်ပင်မှ ပြန်လည်ဖြေရှင်း

 

ရန်ကုန်မြို့တော်စည်ပင်သာယာပိုင် နယ်နိမိတ်အတွင်းရှိ အန္တရာယ်ရှိသောအဆောက်အဦးများ တွင် ပြန် လည် ဆောက်လုပ်ရာတွင် အချိန်ကြာမြင့်နေမှုနှင့်ပတ်သက်၍  အရှုပ်အရှင်းရှိသော မြေယာများအတွက် ထိုက်သင့် သည့် အချိန်ပေး၍ ဆောင်ရွက်ရကြောင်း ရန်ကုန်မြို့တော်စည်ပင်သာရေးကော်မတီမှ တာဝန်ရှိသူတစ်ဦးက ပြန်လည်ရှင်းလင်းပြောကြားခဲ့သည်။

 

  “မြေပိုင်ဆိုင်မှုအရှုပ်အရှင်းရှိသော အဆောက်အအုံတွေမှာ မြေပိုင်ဆိုင်မှုစိစစ်ရန်အတွက် ထိုက်သင့် သလောက် အချိန်ပေးရပါတယ်”ဟု ရန်ကုန်မြို့တော်စည်ပင်သာယာရေးကော်မတီမှ ဌာနမှူး ဦးသန့်ဇင်မြတ် က ဆိုသည်။

 

  ရန်ကုန်မြို့ ကျောက်တံတားမြို့နယ်၊အနော်ရထာလမ်းမ၊ အမှတ်(၁၈၂-၁၉၄)ဆူးလေဘုရားလမ်း၊ အမှတ်(၁၆၄) နှင့် အမှတ်(၁၄၁)၊ အထက်(၃၃) လမ်းထောင့်ရှိ မြေကွက်တွင် အဆောက်အဦး အမြန်ဆောက်လုပ်ခွင့်ပြုပေး ရန် မူလနေထိုင်သူများက ရန်ကုန်မြို့တော်စည်ပင်သာယာရေးကော်မတီ မြို့တော်ဝန်ထံသို့ ဇွန်လ(၆)ရက်နေ့က လျောက်ထားတင်ပြအပေါ်တွင် ဌာနမှူးဦးသန့်ဇင်မြတ် က ပြန်လည်ဖြေကြားခဲ့ခြင်းဖြစ်သည်။

 

  ထိုအဆောက်အဦး၏ မြေနေရာ၏ ပိုင်ရှင်မှာ Cassin Ebrahin Marlin ဖြစ်၍ မြေအမည်ပေါက်ထံမှ ၀ယ်ယူထား သည်ဟုဆိုသူများ၏ အမွေ ဆိုင်မြေးများမှ တရားရုံးတွင် အထောက်အထား များဖြင့် ကန့်ကွက်လာသည့်အတွက် အဆောက်အဦး   ဆောက်လုပ်ခြင်းအား ခေတ္တရပ်ဆိုင်းထားခြင်းဖြစ်ကြောင်း ရန်ကုန်မြို့တော် စည်ပင်သာရေး ကော်မတီက သိရှိရသည်။

 

  အဆိုပါအဆောက်အဦးအား ရန်ကုန်မြို့တော်စည်ပင်သာယာကော်မတီ အင်ဂျင်နီယာဌာန (အဆောက် အအုံ) မှ အန္တရာယ်ရှိ အဆောက်အအုံမှ ဖယ်ရှားပေးပါရန်နှင့် အကြောင်းအမျိုးမျိုးကြောင့် မပြောင်းရွှေ့ပဲနေ ထိုင်သူများကို အင်အားသုံးဖယ်ရှား မည်ဖြစ်ကြောင်း ၂၀၁၀ ပြည့်နှစ် ဇူလိုင်လ ၁၅ ရက်နေ့မှစ၍ ပူးတွဲပါ အမိန့်ကြေငြာစာများ ထုတ်ပြန်ထားသည်။

 

 

အဆိုပါထုတ်ပြန်ချက်အပေါ်တွင် အဆောက်အဦးအတွင်း၌ နေထိုင်သူများက မြို့တော်စည်ပင်သာယာက ၂နှစ် အတွင်းဆောက်လုပ်ပေး မည်ဟု ပြောကြားကာ ဖယ်ရှားခိုင်းသော် ၂၀၁၂ခုနှစ် ဖူလိုင်လ တွင် နှစ်နှစ်ပြည့်မြောက်မည်ဖြစ်သော်လည်း အဆောက်အဦး မှာ ဆောက်လုပ်ရသေးခြင်း မရှိသေး သည့်အတွက် နေထိုင်သူများက အိမ်ဌား၍ ဆက်လက်နေထိုင်ရန် အခက်အခဲ ရှိနေကြောင်း ကိုလည်း သိရသည်။

 

  အဆိုပါအဆောက်အဦးမှာ (၈)ထပ်တိုက်ဖြစ်၍ အခန်း(၃၂)ခန်းပါပြီး၊ အိမ်ထောင်စု(၆၀)၀န်းကျင်နေ ထိုင်သည့်  အဆောက်အဦးဖြစ်ခဲ့သည်။

 

  “ကျွန်တော်တို့တွေက အပြင်မှာ နှစ်နှစ်လောက်အိမ်ငှားနေရတော့ အဆင်မပြေဘူး တိုက်ခန်းမှာနေ တဲ့သူတွေ အနေနဲ့ကလဲ ကိုယ့်နေရာကိုယ်ပြန်နေချင်ပြီ ဒီလိုငှားနေရတဲ့အတွက် အရမ်းအခက် ခဲဖြစ်ပါတယ်”ဟု တိုက်ခန်း တွင်နေထိုင်သူတစ်ဦးဖြစ်သူ ဦးကြည်စန်းကပြောသည်။

 

  အဆိုပါတိုက်တွင်နေထိုင်သူများအနေဖြင့် ၂၀၁၀ ပြည့်နှစ် ဇူလိုင်လကုန်တွင် စတင်ပြောင်းရွှေ့ကြရာ ၂၀၁၀ခုနှစ် အောက်တိုဘာလမှ စ၍အဆိုပါတိုက်တွင် နေထိုင်သူတစ်ယောက်မှ မရှိတော့ကြောင်းကိုလည်း သိရသည်။

 

  မူလနေထိုင်သူအများစုမှာ အဆိုပါအဆောက်အအုံရှိ မိမိနေထိုင်ရာအခန်းတွင် စီးပွားရေးလုပ်ငန်းများ လုပ်ကိုင် နေသူ များဖြစ်သည့် အတွက် အခြားနေရာများတွင် ငှားရမ်းနေထိုင်ရသောေ ကြာင့် ပြောင်းရွှေ့ မှုမှာ နစ်နာဆုံးရှုံးမှု များရှိနေကြောင်းကိုလည်း   ပြောင်းရွှေ့ခံရသူများထံက သိရှိရသည်။

သတင်းရင်းမြစ်း   Myitmakha Media Group

>>>ဆက်ဖတ်ရန်>>> >>

ရခိုင်ပြည်နယ်တွင် ဘင်္ဂါလီဦးရေ ၁၀သိန်း ၀န်းကျင်ရှိနေ

ရခိုင်ပြည်နယ်တွင် ဘင်္ဂါလီဦးရေ ၁၀သိန်း ၀န်းကျင်ရှိကြောင်း လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာန ပြည်ထောင်စုဝန်ကြီး ဦးခင်ရီက ဇူလိုင်လ ၁ ရက်နေ့က နေပြည်တော် စက်မှုဝန်ကြီးဌာန အစည်းအဝေးခန်းမတွင် ကျင်းပသည့် တွေ့ဆုံပွဲတွင် ပြောကြားခဲ့ပါသည်။ အဆိုပါ ဘင်္ဂါလီ ၁၀ သိန်းတွင် white card ထုတ်ပေးထားသည့် ဦးရေ မှာ ၅ သိန်း သာ ရှိကြောင်း လည်း သိရသည်။

ဘင်္ဂါလီဦးရေ ၁၀ သိန်းဟု ဆိုသော်လည်း ရခိုင်လူမျိုး ဦးရေမှာ ပိုမိုများပြားသည်ဟုလည်း ပြည်ထောင်စု ၀န်ကြီး ဦးခင်ရီမှ ထည့်သွင်းပြောကြားခဲ့ပါသည်။ မြန်မာနိုင်ငံတွင် နိုင်ငံသားစိစစ်ရေးကတ် ၊ ဧည့်၊ ပြု၊ FRC ၊  white card ဟူ၍ ကတ် ၅ မျိုး ထုတ်ပေးလျက်ရှိကြောင်း သိရသည်။

မြန်မာတိုင်းရင်းသား စစ်စစ် မျိုးနွယ်စုများ အချင်းချင်းမှ ဆင်းသက်လာသူများ ကိုသာ နိုင်ငံသား စိစစ်ရေးကတ် ထုတ်ပေးခြင်း ဖြစ်ကြောင်း သိရသည်။

  သတင်းရင်းမြစ်း  Eleven Media Group 

>>>ဆက်ဖတ်ရန်>>> >>