ယနေ့ ဇွန်လ ၉ ရက် နံနက် ၁၁နာရီက ကျောက်နီမော် ကျေးရွာသို့ အစိုးရမှ ဖွဲ့စည်း လိုက်သော စုံစမ်း စစ်ဆေးရေး အဖွဲ့မှ ရခိုင်ပြည်နယ် ထောင် အုပ်စုမှူး၊ ညွှန်ကြား ရေးမှူး ဗိုလ်မှူးကျော်ခင် ရောက်ရှိလာပြီး ကျေးရွာ ဥက္ကဌ ဦးသန်းထွန်း၏ နေအိမ်တွင် ရွာသူရွာသားများကို စုရုံးစေကာ ရခိုင်နှင့် အစ္စလာမ် ဘာသာဝင်ဘင်္ဂါလီတို့အကြား လက်ရှိဖြစ်ပွားနေသော ပြဿနာ အခြေအနေအရပ်ရပ်ကို ကျေအေးကြရန်လက်မှတ်ထိုးခိုင်းခဲ့ကြောင်း ဒေသခံ တစ်ဦးက ပြောသည်။ ထို့နောက် ဗိုလ်မှူးကျော်ခင် သည် သေဆုံးသူ မသီတာထွေး၏ မိခင်ဖြစ်သူအား ခေါ်ယူ၍ အစိုးရ၏ ထောက်ပံ့ဂရုဏာကြေးသဖွယ် ငွေကျပ် ၁၅ သိန်းကိုပေးအပ်ရာ မသီတာထွေး၏ မိခင် က ငြင်းဆိုပြီး ပြန်လည် ထွက်ခွာသွားခဲ့သည်ဟု သိရသည်။
ထို့ကြောင့် ယင်းငွေကျပ် ၁၅ သ်ိန်းကို ရပ်မိရပ်ဖတစ်ဦးဖြစ်သူ ဦးခင်မောင်မြင့်ကို ပေးအပ်ရာ ဦးခင်မောင်မြင့်ကလည်း လက်မခံဘဲ စံပြကျေးရွာဘုန်းတော်ကြီးကျောင်းသို့ သွားရောက်ပေးအပ်စဉ် တွင် ရွာသူရွာသားများက လက်မခံသဖြင့် ယင်းငွေများကို ဗိုလ်မှူးကျော်ခင် ထံသို့ ပြန်လည်ပေး အပ် ခဲ့ကြောင်း ကျောက်နီမော်ကျေး ရွာမှ ဒေသခံ တစ်ဦးက ပြောပြသည်။ ““လက်ခံလိုက်တာ မကောင်းဘူးလို့ ကျွန်တော်တို့ ယူဆတယ်။ အခု ဥက္ကဌ ဦးသန်းထွန်းက ဗိုလ်မှူးကျော်ခင်ကို ညစာကျွေး ဖို့ ပြင်ဆင်နေပါ တယ်”” ဟု ဒေသခံတစ်ဦးက ဖုန်းဖြင့်မေးမြန်း မှုကို ပြန်လည်ဖြေကြားသည်။
သတင်းရင်းမြစ်း 7 days News
No comments:
Post a Comment
မျှဝေသောသတင်းများပေါ်တွင် လွတ်လပ်စွာ သဘောထားကွဲလွဲနိုင်ပါသည်။ ရိုင်းပျသော မှတ်ချက်များ မရေးသားရန် တောင်းဆိုအပ်ပါသည်။